بالی وڈ سٹارز کی زندگی کی کہانیاں بھی فلمی

اداکار رنبیر کپور اور قطرینہ کیف تقریباً چھ سال کے رشتے کے بعد علیحدہ ہو گئے۔ حالانکہ دونوں نے کبھی بھی اپنے رشتے کے بارے میں کھل کر کچھ نہیں کہا تھا اور نہ ہی علیحدہ ہونے کے بارے میں کوئی بات کی۔

جب دونوں مبینہ طور پر ساتھ تھے تب بھی افواہوں کا بازار گرم تھا اور اب جب مبینہ طور پر الگ ہو چکے ہیں تو افواہیں ہیں کہ تھمنے کا نام ہی نہیں لے رہیں۔

رنبیر کپور نے حال ہی میں فلم کرٹک راجیو مساند کے ساتھ ایک گفتگو میں اپنے اور قطرینہ کے رشتے کے بارے میں بات کی۔

right;">

رنبیر کا کہنا تھا کہ ان کا اور قطرینہ کا رشتہ بے بنیاد افواہوں، خبروں، مختلف نظریات اور تاثرات کے سبب خراب ہوا۔

رنبیر نے یہاں تک کہا کہ اس سے بہت تکلیف ہوتی ہے کیونکہ ان کے والدین کے بعد قطرینہ ان کی زندگی میں بہت اثر رکھتی تھیں۔

رنبیر نے قطرینہ کے ان کی زندگی میں واپس آنے کی خبروں کی بھی تردید کر دی۔ رنبیر اور قطرینہ فلم ’جگا جاسوس‘ میں ساتھ کام کر رہے ہیں اور جہاں تک ان کے رشتے کا تعلق ہے تو بھائی فلم سٹارز کے بارے میں افواہیں اور خبریں کوئی نئی بات نہیں اس کا مطلب ہے بات کچھ اور ہی ہے۔